電影《九龍城寨之圍城》從5月1日上畫至今，香港票房三周突破7,000萬，連續21天成為單日票房冠軍。不過，已流竄台灣的網台負責人「燈神」蕭若元在其YouTube節目中大唱反調，叫人全面杯葛電影喎。有網民譏諷「食錯藥定未食藥啊老蕭」、「冇聽幾年經已癲到呢個地步」。
蕭若元在其最新一集YouTube節目作出所謂的「緊急呼籲」，指「大熱《九龍城寨》睇片前要三思！已上升至重大公共事件！」云云，但其實佢根本就無睇過套戲，只不過是不滿九龍城寨導演利用呢套戲大熱，走去開拍電影《澎湖海戰》。
有網民將其轉發至連登討論區，不少人留言揶揄，「冇聽幾年經已癲到呢個地步，10幾年前講野都正正常常而家攪到咁」。有網民就力數蕭若元係篤灰始祖、呃錢方面不遺餘力，指「（蕭若元）最早喺youtube大放厥詞，成日扮講新聞嚟篤灰... ...開頭話join patreon係幫在台港人，幫幫下原來變咗係支持佢拍片」。
收藏
取消收藏
分享
稿件由上傳 · 文責自負 · 不代表本網立場
