外出用膳時，最怕無端被「加料」！有港男分享自己的中伏經歷，他在長沙灣光顧了一間食肆時，發現煎蛋入面有曱甴，令他大感嘔心。
該名男網民在fb群組「香港茶餐廳及美食關注組」發帖表示，早前幫襯長沙灣荔枝角明愛醫院附近一間食肆，發現煎蛋竟然有曱甴，「搵美食嘅唔好過嚟，避雷嘅就入嚟，發生係大約兩星期前誤打誤撞入咗呢間舖頭，食到一半，煎蛋入面見到有曱甴，店員仲想一手搶咗碗嘢倒咗佢，好彩已經一早影晒相，已經即時睇醫生，諗返起都好想嘔」。
從相片可見，原隻曱甴已在煎蛋裏面混為一體。樓主表示，已經報食環，「佢話要上庭，又要落口供」。樓主事後猶有餘悸，「我依家出街食飯，差唔多每道餸我都拆散晒先敢食，啲侍應以為我黐線」。
有網民就表示，「呢間嘢起度好鬼耐… 從來唔敢試」、「煎隻蛋都可以有...究竟有幾污糟」、「真係要驗屍咁驗」。另有網民笑指「煎脆咗」、「蛋白質」、「呢款係炸燶左既蒜頭」。
收藏
取消收藏
分享
稿件由上傳 · 文責自負 · 不代表本網立場
