靠黃上位嘅「奀星」阮民安去咗英國後，仍不斷刷存在感，噚日又出招賣慘話，自己因為淋雨而病倒，要求安慰咁話喎，最重要莫過於在留言貼出眾籌戶口連結，拜託大家訂閱喇。有網民嘲諷「大家係時間課金畀佢買藥啦！」、「你課金未，講無用，課金先！」
阮民安不斷為自己塑造好爸爸形象，在社交平台發文表示，因為早兩日接小孩放學後，明明本來風和日麗，點知突然落咗一輪巨雨，佢因為無帶遮，全身淋濕晒，到日前起身全身骨痛喉嚨又痛。不過，雖然病咗但依然起身送兩童返學。
阮民安又不忘重提獄中生活，話「好彩仲有香港帶過嚟嘅監房『仙丹』必！理！痛！」，又話「病咗超掛住香港的瑤柱白粥呢」。最後，就梗係在留言附上patreon網上眾籌戶口連結，叫「手足」課金啦。
收藏
取消收藏
分享
稿件由上傳 · 文責自負 · 不代表本網立場
