點新聞 ｜ 每日點新聞 點解香港事

所謂的「齊上齊落」再次變成笑話！話說有17名港人移英後，透過中介到當地一間工廠打工，惟因不滿管理層涉嫌歧視港人，聯署希望改善工作環境，卻換來即時被解僱。然而，發起聯署的港人「長工」代表，竟叫他們「息事寧人」，被炒的員工怒斥：「你打爛咗十幾個人飯碗喎」。

被解僱的港人近日接受Youtube頻道「安迪工房」訪問時表示，他們透過中介公司，在當地一間工廠上班，俗稱打「Agent工」，和「長工」不同，類似外判工、散工，以時薪計算。惟他們經歷了不公平、甚至乎歧視的對待，於是便響應一名「長工」代表，聯署罷工爭取改善工作環境。

他們舉例涉及懷疑歧視的行為，包括：不禮貌、態度不友善，「嗰啲Supervisor，可能對我哋啲行為，會冇咁有禮貌、啲態度冇咁好。」其次是工作分配不公「做得快的港人，會不斷地調嚟調去，幫下其他做得慢嘅人」、「香港人會被安排做啲比較要求快、工作量多嘅崗位」、「但其他國籍做一啲，比較唔需要講求速度嘅崗位。」而主管不但會好唔禮貌吩咐港人調崗位幫手，「到你幫嗰陣時，又好似覺得你唔係好合心水咁樣，便會有啲面口，或者有啲語言上嘅衝突。」

針對以上的不公待遇，有「長工」代表發起聯署，「集合咗大家嘅簽名，再交給管理層，要求應有嘅待遇，例如管理層對啲員工要有禮貌，調嘅崗位次數不能太多等。」聯署者多為「長工」，但結果管理層只解僱簽名的「Agent工」港人，而「長工」就好像相安無事繼續返工。

他們透露，聯署當日的薪金更被扣減，港人Agent工「返咗6個鐘」，「糧都係出得兩三個鐘，人人都係咁。」他們直指，「Agent工」在整件事的參與度並不高，最主要都是「長工」發聲，最終受害就是「Agent工」。

而事後，發起聯署的「長工」代表，還用上「息事寧人」去形容事件。被炒的員工直斥：「你打爛咗十幾個人飯碗，『對唔住兄弟』都有句啊，但其實都無啊。」他們亦指是因為大部分香港人不夠團結，他們才會成為犧牲品。

他們表示「唔認同」英國職場生態，「唔認同但係無奈地都要接受，係好無奈，但無辦法」，並指經過今次事件，都是經一事長一智，如果做「Agent工」的話就先三思而後行，因為如果發生什麼事，「Agent工」都是沒有保障的一群。

「安迪工房」頻道事後曾聯絡過涉事員工的Agent公司，對方只是簡單回覆會盡力提供協助。另亦訪問了一名英國律師，對方指該涉事工廠管理層的一些行為「其實算係歧視」，但指該批港人有責任搜證。