距離垃圾徵費實施不足3個月，不少人市民都近日都忙着清理家居。有港男在網上表示，父母最近密密咁執屋狂扔垃圾，原來是擔心日後棄置垃圾時要付錢，結果愈扔愈多，明明仲有用都照扔。網民笑言「恐慌性拋售 !」、「正常，老人家特別多冇用嘅垃圾放喺屋企」、「我媽掉完之後覺得又有位可以買嘢返嚟擺」、「今年肯定好多人大掃除」、「港人終於明白『斷捨離』真諦」。
樓主在「香港討論區」以「屋企人驚之後垃圾徵費搞到狂掉垃圾…」為題發帖，表示最近見到父母「密密咁執屋，狂掉垃圾」，初時以為臨近新年，所以執屋，但愈扔愈多，「有D嘢明明仲有用都話照掉」，仲開始叫樓主都要盡快執屋。
樓主解釋，父母表示4月開始垃圾徵費，「唔想之後掉垃圾要畀錢」，父親更慨嘆「後生可能覺得小小錢冇咩問題，但對於佢哋上咗年紀嘅人，幾十蚊都覺得好貴」，話「做咗幾十年人，都未試過掉垃圾要畀錢，平時已經好慳家」。
樓主在帖文指，雖然高額長者生活津貼每人可獲政府提供每月$10的津貼，但父母仍然覺得貴。他亦留意到最近除了自己屋企人，都好似見垃圾房多了垃圾，未知是否與垃圾徵費有關。
收藏
取消收藏
分享
稿件由上傳 · 文責自負 · 不代表本網立場
