葉萱被揭曾遭邪教教主性侵 方力申認愛撐女友堅強

方力申（小方）今日(4日)出席活動，對於被傳與有「翻版馮盈盈」的葉萱（Maple）拍拖，他大方認愛，更言:「想同關心我嘅朋友講，你哋可以恭喜我嘞」，還自爆雙方已見家長了。

小方有感彼此交往日子還短，打算地下情一段日子才公開:「紙真係包唔住火，可能身邊朋友唔覺意爆出嚟，咁有好有唔好啦，現在可以大大方方。」問及如何認識，他說已不重要，又讚女友貼地，帶她去酒店吃，她卻喜歡去茶餐廳。

小方又說拍拖不足一星期，雙方已見家長：「我其實好認真，當覺得個女仔係好嘅，就想畀屋企人見，不過她爸爸比較緊張，話我做娛樂圈睇中佢個女啲乜，首次見對方時，佢叫我唔好介意要好認真咁同我傾偈。（過咗關？）係，依家係處於雙方好信任同舒服嘅關係。」

對於盛傳Maple曾於韓國信奉邪教，遭「教主」性侵兼早前接受紀錄片訪問公開事件真相，曝光34秒變態錄音。小方大方回應：「係佢！想同關心我哋嘅朋友講，我咁多年拍冇拍拖，好相信緣分呢回事。認識佢嘅第一日，佢已經將所有過去嘅事話畀我知，所以我覺得呢個女仔好特別。我先係由朋友開始，想了解佢更多，發覺佢言行一致，所以對佢100%信任。」

Maple一連三集的訪問已推出，小方表示有觀看：「我覺得冇睇過嘅朋友都應該要去睇，因為裏面講到欺凌同父母關係唔好，係好影響小朋友，壞人會利用你呢刻嘅脆弱。我睇嘅時候好心寒，大家可能覺得佢好天真同幼稚，但佢應該比好多人更加堅強！佢係第一個行出嚟發聲同見樣嘅人，唔代表佢可以完全面對壓力，佢曾經同我講，不如當發咗場夢就算，但係彼此都好鍾意大家。我就同佢講，你行出嚟就係唔想有下一個受害者，呢個咪係你嘅初心囉，有幾多人知道唔係更加好咩？」

（點新聞特約記者陳惠芳報道）