點新聞 ｜ 每日點新聞 點解香港事

黃子華、潘燦良主演的舞台劇《最後禮物》，昨日（26日）傍晚上演第50場，也是最後一場。子華於開場前拜神時說，「我發夢呀！發夢今日係opening呀！嘩！醒左幾驚呀...哈哈哈......」繼而更搞笑扮暈倒地上，「我真係諗起都暈呀，我話你聽...哈哈哈.....」讓大家笑個不停。

謝幕時，阿燦說:「其實疫情之間，做這個騷真的非常不容易，好榮幸，慶幸，這個騷一波多折，最終都可以上舞台同大家見面，50個晚上，全體近百個工作人員，只有一個案例輕微感染，且發生於休息日之中，無傳染給任何一位演員及工作人員，大家順順利利健健康做曬這50場，真是非常之不容易！」

子華就謂，「今次真係可一不可再！大家唔好見我冇乜嘢，其實我每場都驚係最後一場，唔係驚病，咩疫個啲，我係驚我會死，因為我演完每一場都死咗咁滯。」能夠演完50場，子華表示要多謝台上每一位出色的舞台藝術工作者：「這次班底可以話係史無前例咁厲害，每一位演出者都係獨當一面最好的舞台劇演員。」子華對每一位演員的敬重及關懷，讓現場大家也非常之感動，歐嘉雯及韋羅莎聽着子華說話，更激動得落下淚來。

（點新聞特約記者陳惠芳報道）

相關報道：

（有片）《毒舌大狀》預告片首發　黃子華毒舌衰格勢討公道

（有片）最後禮物｜撐場送雪梨　林明禎向子華暗示「我愛你」