【點新聞報道】ViuTV節目《周六食花生》，明晚（27日）播出的一集，邀請到《九龍城寨之圍城》的團隊，包括林峯、劉俊謙、胡子彤同張文傑擔任嘉賓，分享拍攝期間的趣事和感受。
戲中有大量打鬥場面，林峯自爆受傷驚險事：「有個動作係要S字形走位，之後去檢查嗰陣先發現原來十字韌帶斷咗一半。仲有次試戲嗰陣，喺二樓同武師對打。個情景就係佢要向我進攻，我就要向後退。點知，我就唔小心差錯腳，就由二樓跌咗落一樓。好彩下面有一堆道具墊住，就無點受到傷。最唔抵係當時未roll機，無拍到。」而劉俊謙就分享指拍攝期間，不小心被電單車死氣喉燙傷小腿；而胡子彤則意外被踢傷下巴，需縫14針。
談及對彼此的印象，劉俊謙笑言小時候是看《尋秦記》長大，所以林峯是陪自己成長的一個大哥哥，並指其十分溫柔和細心：「佢知道我非常喜歡金莎。有日拍到好攰，佢就遞咗盒金莎送畀我。個刻真係覺得，個盒金莎係我嘅所有。」被問及下次4位兄弟合作會想拍什麼題材，林峯笑言想一齊拍BL四角戀，令在場所有人都哭笑不得。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
