點新聞 ｜ 每日點新聞 點解香港事

藝人張致恒（Steven）太太區燕雯（雯雯）近日一家6口外出慶祝大仔張天寶5歲生日，看似生活上軌道，不料雯雯昨日在IG指責他，害到屋企被斷電，不能煮東西給小朋友食，也沒有熱水沖奶，「完全已經不是容忍的範圍之內」。Steven昨晚又再「重施故伎」喺限動貼出電子錢包的QR Code，話「已經諗去到唔到辦法」、「求助」。

Steven之前曾因貼出QR code求網友轉帳捐款，被網民狠斥「網上行乞」，但他解釋自己有工作，但需要照顧小孩，才無法出門。本月初他透露在尖沙咀的一間茶餐廳打工，在街頭派傳單、送外賣。5日前，他則分享全家幫大兒子慶生的溫馨畫面，還寄語兒子「千祈唔好好似daddy咁失敗，所有嘢都一事無成！」

點知，雯雯昨日在IG Story以黑底白爆seed：「要發生嘅，終於都發生。你終於都令到屋企發生俾人cut電，完全已經唔係容忍嘅範圍之內。小朋友又無得煮嘢食，又無熱水沖奶，不停喊，請問你想我點？﹗」顯然，雯雯當中的「你」當然又再是指老公Steven。

同日晚上，Steven喺IG 貼出QR Code，再度呼籲大家幫手，指「已經諗去到唔到辦法」、「求助」，同時又打上「十個鐘頭」，估計是指他屋企已停電10小時。不少網民留言鬧爆其行為可恥，濫用別人同情心，形容他們已經由「離婚KOL」變做「丐幫界KOL」。