【點新聞報道】泳兒（Vincy）近日為跟Nowhere Boys合作推出的新歌《撞到正》落力宣傳。為配合歌曲「人比鬼更可怕」的訊息，早前Vincy於《CHILL CLUB推介榜 年度推介23／24》記者會上，便向一眾歌手朋友包括：Gin Lee李幸倪、周國賢（Endy）、陳凱詠（Jace）、Lokman@MIRROR、周殷廷（Yan Ting）、George@PIX3L、雲浩影（Cloud）、Nowhere Boys主音Van及SPIRAL埋手，以血淋淋的假手加鬼口水玩驚嚇整蠱。
男歌手當中，大部分都處變不驚，至於最不經嚇的則是George及Cloud。Vincy走近George並早有預謀地問：「可唔可以握個手呀？」毫無防範的George一口答應：「可以呀。」誰不知George一握便縮回，隨即邊掩嘴邊叫：「嘩！嘩！嘩！嚇死我呀！嘩！」過了十多秒仍驚魂未定；至於Cloud則最無辜，她是被Nowhere Boys的Van「推介」給Vincy，她好奇地伸手去摸鬼口水，更說：「嘩，好多呀。」不過摸了一下後便被鬼口水的質感嚇到「Oh! My God!」高聲尖叫，而Vincy亦充滿成功感，邊笑邊說：「終於有一個人嚇親啦！」
事後Vincy表示，為了這個嚇人任務，做了很多準備功夫，「搵咗一啲同公司嘅artist做白老鼠，分別係小巧、Aiden（洪助昇）都比我嚇過，但佢哋都係唔驚。」所以這次她是抱着一個「全軍覆沒」的心態去玩。到達現場後，她覺得只是假手不夠驚嚇，突然靈機一動，想到將鬼口水加在假手上，「因為我覺得如果佢哋接觸到一啲好黏、好黐立立嘅嘢，反而可能個心會突然間好驚訝，好彩都有幾個artist又俾我嚇親。雖然半成以上都唔係話好驚，哈哈。」Vincy又話經過今次整蠱經驗，覺得整蠱人「唔係咁容易」，「好容易穿崩、好多突發嘅狀況，人嚇人原來真係好難。」
（點新聞特約記者陳惠芳報道）
收藏
取消收藏
分享
