移民英國嘅黃絲最近就搞所謂嘅「高峰會」，結果就變咗批鬥大會。話說撐暴商人周小龍受邀出席活動，事後就喺社交平台發文分享下，點知卻惹嚟同樣有份出席嘅「白影」批鬥，話個「峰會」係因為講嘅嘢係「違反香港國安法」，所以要閉門、保密喎，鬧爆周小龍唔識規矩，仲嘲諷「你唔係抗爭者出身，如你所言只不過係個商家」。不甘受辱嘅周小龍於是發帖反擊，兩幫人馬連日隔空駁火。
周小龍出席「峰會」後，被指將研討會時跟某一位台下的與會者的討論放上社交平台，更開名指斥對方，其後雖刪文，但他聲稱指言論自由受到打壓，指有人想搞大台，批鬥不同意見喎，隨即引嚟「白影」發千字勁插。周小龍亦發帖上載相片，挖返當年「白影」追擊「獨片」導演周冠威嘅事出嚟講。
對於被指攻擊「峰會」周小龍急急出帖澄清，話「我唔係攻擊個event，我係批評個會嘅話事人冇阻止會內分化批鬥行為，我係批評劉祖迪Finn Lau，白影，Kelvin歷史專家，呢種分化派」。佢仲懇請大會話事人公開當日批鬥片段，讓大家了解真相，決定誰是誰非喎。
收藏
取消收藏
分享
稿件由上傳 · 文責自負 · 不代表本網立場
