父母最關心的莫過於小朋友的升學問題，有人更不惜舉家移民，惟近日有移民英國嘅港媽卻嫌當地嘅教習安排，冇功課、冇測驗、冇習作，拖慢子女嘅學業，最終在英國逗留一年後，便急忙回流返港。有網民反問，「移民前唔使做吓功課？」，有網民揶揄「身體最誠實」、「為咗小朋友可以浸一浸咸水，冇話要放棄港式高壓教育喎」，有網民則戥小朋友可憐。
近日有網友在fb移民討論區分享一個「真人真事」，話有父母逗留英國一年，回流香港原因係因為小朋友嘅教育問題，直指小朋友學校「唔夠多功課」、「放假期間冇習作」、「唔夠多考試」，認為小朋友「玩嘅時間太多」及「用ipad時間過長」喎。
查實，不少人都指，英國的課程比香港同年嘅簡單，六年級嘅功課都仲係做緊加減乘除複習咋。須知，虎媽都會把自己的子女當作天才進行培養，四五歲就要背誦幾千個生字，要懂得四位的乘數，虎媽又點會容許子女落後他人呢。
收藏
取消收藏
分享
稿件由上傳 · 文責自負 · 不代表本網立場
