點新聞 ｜ 每日點新聞 點解香港事

不少移民英國的黃絲以前在港搵錢多，使錢也疏爽，移英後卻只能從事體力勞動工作，經常入不敷支。最近有移英港女就拍片講述自己成為送貨司機的工作日常，大呻當中的艱辛苦況，直言份工好搵笨。

移英港女在YouTube頻道「居英講女潭潭子 tamtamzi uk」分享做英國送貨司機的日常工作過程、薪金等，更大數當中的搵笨之處。話說入職過程簡單，只要有私家車就可以返工，公司會提供2小時的職前培訓。經理指，公司會每天早上9:30-10:30將貨品送到送貨司機的門外，員工不需親自提貨，只需自行安排送貨時間及路線即可。怎料，當她第一天上班，公司不但遲了整整一小時才將三大袋貨品送到她家門前，而且貨品隨意放地上，頗為污糟，她只好戴上私家手套進行分類。

出車前，司機需透過手機下載公司應用程式，將每樣貨品掃瞄登記，之後APP就會按照代碼建議出最佳路線圖。不過，不熟路的司機要花上大量時間去安排路線，以及進行調配的工作，而這段準備時間卻不會有任何薪金。講到最困難的莫過於「揸車嗰個又係我，送貨嗰個又係我」，她指在送貨時經常出現突發情況，比如送貨位置不能泊車，便要徒步送貨，一來一往相當花體力及時間；一旦遇到落雨仲辛苦，紙質包裹上的地址、Bar Code也會變得「溶溶爛爛」。

薪金方面，只要每送一件貨，不論大小、價值都是均一價0.83鎊（約8港元），多勞多得，送足6日就自然賺得更多。不過，油錢、商業用途車保（每周金，約28港幣）就要自己承擔。她直言，相比之下，送Pizza更為好搵，不但有底薪，也有油費津貼，更加不用自己分貨喎。