不少黃絲口口聲聲話外國有最低工資，又有大屋住，好過留在香港，有年青人聽人氹兩句就盲舂舂咁話學人移民，但從來唔秤下自己有無足夠嘅能力。最近一名IVE畢業的網民在「連登」討論區發文，指自己在積蓄唔多下勇闖英國，結果去到發現更加無力，為了生存，他去到了工廠打工，直言「日日畀人當狗咁叫你做快啲」，同隨時被人炒喎。
樓主以「嚟到英國，更加感到自己有幾無力」為題發文，指自己畢業於香港專業教育學院（IVE），畢業後都做咗幾年文職，然後見BNO簽證開放，就決定去英國闖下。然而，樓主在英國完全搵唔到文職，即使有了第二次面試機會，但「都係衰咗...睇唔到出路」。樓主曾嘗試考取技能證書，結果就用晒僅餘的積蓄，要到工廠打工，不過，他認為根本唔係辦法，「唔通就成世做工廠，日日畀人當狗咁叫你做快D，永遠都係收嗰個價同隨時唔需要你」。有人建議他到餐廳打工，但他指有朋友在中餐館都只能做廚房位，侍應工作一般留晒學生做，仲係最低工資。至於「風火水電」唔係冇諗過，但一樣唔易入行，還要畀一大筆錢報課程。
樓主慨嘆「冇咁上下資本，根本冇資格係依邊立足」，形容「由自己以為既谷底，再跌落去第二個谷底。」惟不少網民都唔同情他，反指「冇錢冇學歷冇技能都咁多要求」、「怪就怪自己太有自信，無計劃諗住船到橋頭自然直？」、「得少少錢就走老實講真係弱智」。
歡迎到Apple/Google play store下載 「點新聞」app
iPhone App： http://apple.co/2MxsmE1
Android App： http://bit.ly/36EmZtD
華為App： https://urldra.cloud.huawei.com/ezfJy81ETm
或直接進入點新聞網站瀏覽最新最準的新聞資訊：
使用其他社交媒體訂閱點新聞
YouTube: youtube.com/c/dotdotnews點新聞
收藏
取消收藏
分享
