朱敏瀚(朱仔)在無綫劇集《痞子殿下》角色武功麻麻，但「走佬」技術一流，他日前在社交網上載吊威吔花絮片，更被網友封為「吊神」。
朱仔在片中一邊在穿吊威吔裝備、一邊搞笑吟詩：「日吊夜吊，廠吊完外景吊，天晴吊陰天吊，落雨都要吊。」網友睇完片段都戥朱仔辛苦，並搞笑留言：「你已經成為吊神」。
除他外，首次拍古裝的陳瀅受訪時笑言雖然喜歡吊威吔兼「郁嚟郁去」，但亦直言難頂拍攝時酷熱天氣：「記得有一次廠景接外景再接廠景咁吊威吔，嗰次真係攰到喊出嚟，最神奇係同一時間JW都喺附近喊緊，我哋攬住喊話：『好辛苦呀！』」JW則謂是首次體驗吊威吔：「吊威吔嗰啲位真係會瘀，同埋係好攰。」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
