《痞子殿下》昨晚(8月2日)播出第二集，周嘉洛因劇情露臀，短短一秒已令網友大為驚艷，留言：「係唔係真身呀？」
劇情講到張頴康所飾角色打算偷看陳瀅沖涼，但正在沖涼的其實是嘉洛。原本嘉洛拍攝該場口有肉色褲打底，但為了出來效果更好、監製建議嘉洛全裸上陣。嘉洛二話不說答OK。問到為何如此爽快答應？嘉洛謂：「都係為咗效果，對我嚟講無傷大雅。」
嘉洛補充指當時更臨時急忙做安全措施：「監製同我一齊去架，主要用牛皮膠紙黐住敏感位置。」問到搣膠紙時會否好痛？嘉洛笑謂：「都唔會痛，因為一浸落水度啲膠紙就會甩，反而係起身時驚穿崩，好彩前面得張頴康一個，佢見到膠紙就甩都擰轉面，好似仲講咗句：『我唔想睇，唔好逼我！』」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
