Singaholic｜樂壇包容不同體型歌手　鄭融介意嬌小想增高

【點新聞報道】網上音樂節目《Singaholic》來到第六集，主理人鄧小巧這集找來鄭融（Stephanie）任嘉賓。一開場，小巧便唱出鄭融的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」

節目傳統是歌手們都會一邊唱歌、一邊「㗳」返兩杯，但外表看似野性的鄭融原來是非酒精人士。她表示近年食飯都會飲返一、兩杯紅酒，但會放足一晚，「攤長飲，好慢，永遠都會飲剩。」問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！」

講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整什麼，鄭融想不用想便答道：「駁高個人囉！哈哈，我又冇乜嘢想整。係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾踮唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」