【點新聞報道】鄧小巧主理的網上歌唱節目《Singaholic》，今集請來剛宣布造人成功的連詩雅（Shiga）任嘉賓，由於是宣布有喜後的首個歌唱及訪談節目，期間二人大談生仔經及新婚話題。小巧更謂Shiga是首位現身節目的人妻嘉賓，「可以陪我一齊傾人妻話題。」
小巧問Shiga，老公陳家樂最唔掂是什麼事？她第一投訴是他不洗碗，「係唯一一樣要投訴。但我要澄清雖然佢唔洗碗，但因為我都唔洗衫，哈哈，所以佢負責洗廁所、洗衫呢啲清潔部門，但廚房入面所有嘢就係我負責。」而小巧則最頂唔順老公狂食西餐，Shiga憶述有次在家中問小巧想吃什麼，她第一句便是「總之唔好西餐就得」，小巧隨即向Shiga大呻苦況，「以前冬天好鍾意招呼啲朋友嚟我屋企打邊爐，我今年係一次喺屋企打邊爐嘅經驗都冇！因為佢憎打邊爐。」至於將為人母的Shiga表示婚後每次見到親朋戚友時的第一句話就是「幾時生仔？」小巧即謂：「個個都話有仔趁嫩生。」Shiga即笑謂：「我過咗嗰個『嫩』啦，哈哈。其實我係一個幾大唔透嘅細路嚟嘅，不過有啲人生反而打理得頭家好好。」
可能因為身份的轉變，當Shiga唱完講述母親的《雲吞》後特別感觸，問到母親做過一件最令她感動的事時，Shiga表示很多，「我係媽咪湊大，佢係經濟支柱，我哋係相依為命，所以……（抹眼淚）以前唱情歌係好觸動到，但原來人去到另一個階段，經歷多咗、人越大、屋企人越嚟越老，要經歷生離死別。我好慶幸我媽媽仲喺我身邊，但因為佢年紀真係比較大，佢四十歲先生我，所以我一路唱呢首歌同埋睇MV嘅時候，我最初好激動唱唔到，歌詞令我覺得好有共鳴。」
（點新聞特約記者陳惠芳報道）
相關報道:
收藏
取消收藏
分享
稿件由上傳 · 文責自負 · 不代表本網立場
