點新聞 ｜ 每日點新聞 點解香港事

【點新聞報道】鄧小巧主理的網上歌唱節目《Singaholic》來到第三集，這集請來泳兒（Vincy）任嘉賓，小巧向Vincy問好：「師姐你好。」Vincy聞言「師姐」二字即大笑：「喂，好怪呀呢件事。」小巧便解說因為自己是最新加入公司的藝人，所以「叫每一個人都係師兄師姐。」小巧謂一直以來Vincy予人一種很養生的感覺，但原來錯晒，「我好surprise上次Vincy第一次嚟我屋企，竟然帶咗支紅酒過嚟。」Vincy謂自己平時很晚才睡覺，笑說自己一點也不養生。

小巧打從小時候便幻想當歌手是一件很夢幻的事，她更是因為孫燕姿而入行，「好記得佢個『綠光演唱會』，我係睇video咋，覺得點解呢個人做歌手做得咁瀟灑嘅？佢有別於一般當時嘅歌手嘅感覺。我覺得：『咦？好想好似佢咁樣。』」

她分享成為歌手後一次於活動上見到孫燕姿的經歷，「當時準備出我第二隻EP，我真係好想好想有機會見到佢，將隻唱片交俾佢，好想同佢表達我因為佢而咁希望成為一個歌手呢件事。跟住我見到佢，我係咁樣『嗚嗚……』完全講唔到嘢。由於孫燕姿已經係一個天后咗好耐嘅人，所以佢見到我呢啲咁嘅瘋癲嘅歌迷，佢好冷靜。同埋佢當時係身懷六甲，所以佢有啲係『嗯……嗯……』哈哈，但我就係好激動。」