【點新聞報道】肥媽、李家鼎（鼎爺）及游嘉欣（游游）擔任主持《肥媽李鼎打大佬》的最後一集，主題是「新春傳統禁忌揭秘」。
講到年廿八洗邋遢時，鼎爺特別講究：「碌柚葉、黃皮葉加埋豆腐煲水，因為豆腐有啲纖維，就算毛孔入面啲污糟嘢都會搓埋出嚟。」肥媽則分享一件不能不信邪的親身經歷：「有一年拍林正英嘅《一眉道人》，我拍完之後蒸糕，嗰年我真係唔發（意指啲糕發唔起），同埋我係瞓棺材底，結果真係衰足三年。」
肥媽又向娛圈新鮮人游游教路：「你第日如果拍呢啲片，第一要攞利是，第二係拜一拜先，真係唔係講笑！」之後肥媽再分享新年出埠到美國登台趣事，她說：「有一次去到美國移民局，佢話你好紅咩？點解請咗成廿年都係請你，仲叫我即場唱隻歌嚟聽吓。」肥媽又謂當時唱了一首歌嚇到該職員大嗌shut up。
游游笑言加入娛樂圈後很怕去親戚家拜年，她說：「因為大家對娛樂圈比較好奇，例如會問某某明星個人係點，問好多八卦問題。」游游笑言在網上學識以兩句話應對，分別是「關你咩事」和「關我咩事」。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
