【點新聞報道】由肥媽、李家鼎（鼎爺）及游嘉欣（游游）主持的全新飲食節目《肥媽李鼎打大佬》，今晚（17日）播出的第9集主題是「家家有產爭」，人生閱歷豐富的肥媽、鼎爺輪流分享見過的爭產風波。
肥媽大爆老字號麵檔分家風波，火頭更因一個女人而起，肥媽大嘆：「妒忌兩個字，係害死人。」之後講到「太公分豬肉」重男輕女，鼎爺大爆真人真事：「有個敗家仔，係我徒弟嚟嘅，佢連埋細佬同埋老竇有三棟丁屋，但佢兩晚輸晒。」肥媽聽罷即說小兒科，直指自己阿公才是超級敗家仔，她說：「佢以前喺廣州行都唔使行，要人抬，佢話一晚就輸十幾隻花艇，成條街嘅舖頭輸晒！」
講到「孻仔拉心肝，孻女拉五臟」，身為孻女的游游表示認同：「屋企人永遠留隻雞髀我食。」育有6名子女的肥媽出名愛錫子女，她更坦言會幫子女畀首期：「我好簡單，你喺邊度買我就畀邊度嘅錢，你英國買我就畀英鎊，我細仔就好慳，佢喺馬來西亞買。」游游問肥媽有否想過將來有回報？肥媽沒好氣謂：「我放貴利㗎咩？做父母一定要幫自己嘅子女。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
