文/馬思科
「屋企有咩設備係無時無刻都用緊，但你又對佢唔多曉呢？」答案可能就係路由器（Router）啦。依家市面上的Router種類繁多、各種參數睇到「花都眼亂」，點樣揀一個又抵又靚既Router？商家又有乜無話俾你哋知？小編整理左5大「思家」貼士同你分享。
揀Router既5大關鍵位:
1. Wi-Fi標準
市面流行的Wi-Fi標準大致為Wi-Fi 4（n）、Wi-Fi 5（ac）、Wi-Fi 6（ax）尼三種。其實在Wi-Fi 6出世前，命名都係以802.11加英文字母，例如802.11a、802.11b等等。到左Wi-Fi 6出現後改變左命名規則，兩種命名方式同時出現係市面，大家可參考以下既對照表：
科技產品都係買新唔買舊，大家銀彈足夠既話應該購買支援Wi-Fi 6既Router*
*其實最新的Wi-Fi技術已經去到第七代（Wi-Fi 7），不過由於該技術尚未普及、暫時好多設備唔支援。
2. Wi-Fi速度
A. 數字代表啲乜？
以TP-LINK這一款「AC1900 Wi-Fi Router」名稱為例，「AC」即係支援Wi-Fi 5既Router；「1900」代表總速度為1900 Mbps。
宜家主流的Router都有2.4 GHz和5 GHz兩個頻譜，2.4 GHz頻譜信號較強但速度慢，係俾舊電器或低功耗設備使用，如家居設備；而5 GHz頻譜信號較弱但速度快，尼個先係我哋手機、電腦、電視盒主要使用既頻譜。
所以Router既5 GHz速度有幾快先係關鍵，例如TP-LINK尼款Router，係總速度1900既下面用細字寫住「1300 Mbps 5 GHz + 600 Mbps 2.4 GHz」，說明尼款Router支援既5 GHz頻譜極限係1300 Mbps，而唔係1900 Mbps。
B. 幾快先夠用？
「荷包夠闊卓」既話Router咁係越快越好。但好多人唔知廠商標示既速度其實都係極限參數，我哋居家環境中會有各種干擾同遮擋，真實網速一般都會衰減8到5成。好似小編屋企網速1000 Mbps，就應該揀一個5 GHz 頻譜有2000Mbps（預多一倍）或以上既Router先穩陣。
C. Router既網口有無要求？
Router既網口好重要，特別係WAN（輸入端）一定要支援Gigabit Port（千兆網口）！市面上有好多宣稱速度1000 Mbps 或以上既產品未必有Gigabit Port，可謂係「假千兆」。總之記住無Gigabit Port既Router唔好買！
3. Wi-Fi品牌
成日斷線、hang機，要重啟先用到，尼個好大可能係你既Router用料唔得，我地可以通過購買有品牌既Router黎保證品質。
A. 品牌
品牌等同品質，但大家唔使迷信外國品牌，因為大部分Router都係使用中國供應商零件，選購主流大廠既產品即有保障。
B. 散熱設計、安全性
散熱設計會影響Router既長期表現，有被動散熱或主動風扇設計既產品為佳。
安全性方面都係著名品牌既Router會好啲，佢地一般都會有能力經常更新程式以防止惡意程式攻擊。
4. Wi-Fi性能
簡單黎講就係可以俾幾多台設備同時上網，打機、睇片會唔會有窒下窒下既情況。負載力高既Router可以同時應付大量設備既上網需求。
A. 處理器
處理器係評價一款Router用料既心臟，如果使用高通（Qualcomm）或博通（Broadcom）品質比較有保障，連線通常較穩定。
B. MU-MIMO和OFDMA技術
尼兩個「外星」詞彙係包裝度睇到有就得。我地可以理解成有多條寬闊既道路運送數據，運輸同封裝效率高，自然打機、睇片就唔會窒下窒下。
5. 外觀
之所以擺係最後講，因為尼樣嘢比較主觀。一分錢一分貨，以上介紹既好處越多，Router既價值就會相對較高。
Router通常長擺係個廳度，買個靚啲既仲可以成為家居裝飾，日日望住心情都靚啲。
其實除左Router，仲有好多嘢會影響網速。如果想睇更多好嘢介紹，敬請大家多多支持分享小編既文章，先可以快啲有下一期喇！
收藏
取消收藏
分享
