【點新聞報道】《馬時亨 香港情》本周六（17日）將播出最後一集，主題是「飲食情懷」。馬時亨今次邀來表弟曾志偉及「師奶殺手」陶大宇擔任嘉賓。
向來搞鬼的曾志偉，席間連環爆馬時亨秘聞，其中一句「你試吓夜啲返屋企咯」，更即場嚇到馬時亨跌筷子，馬時亨笑言：「嚇到我手揗腳震」；而目睹「慘劇」的志偉及大宇，則全程笑個不停。
談到香港火鍋飲食文化，兩位嘉賓均大讚漸趨多元，志偉直指香港飲食文化與其他地方大不同：「世界邊度有好似香港咁，最旺嘅地方係茶餐廳？茶餐廳特色係乜都有得食。」志偉又指電影同業愛拍打邊爐場口，除因能夠反映香港特色及不同階層的飲食文化差異外，也是演員福音：「我哋（演員）最驚拍食飯，我試過有一次喺西班牙，朝早八、九點拍，拍到下晝五點鐘，都係食緊嗰舊牛扒。（牛扒）嚟嗰時你好想食，但你要講對白，到五點幾食得嗰時，個牛扒已經唔知係咩嚟。」
同樣識飲識食的大宇則瘋狂想當年，先是牛肉及羊肉「今昔對比」：「以前食羊肉、牛肉，唔係咁一捲捲上，係一碟碟上，仲薄過保鮮紙，筷子一叉落去就一碟。」
（點新聞特約記者陳惠芳報道）
更多報道：
收藏
取消收藏
分享
稿件由上傳 · 文責自負 · 不代表本網立場
