【點新聞報道】馬時亨主持的《馬時亨·香港情》昨晚（27日）播出第六集，主題是「音樂情懷」。縱橫樂壇半世紀的校長譚詠麟於節目中勸勉後輩「千祈唔好怕蝕底，能夠喺台度亮一亮相都係好」。
客席主持區瑞強（Albert）大爆當年紅透半邊天的校長，連節目《香港早晨》錄影也不放過，他說：「之前許冠傑係好難訪問到佢，佢直頭唔上電視。但校長啱啱調轉，咩節目都去，下午茶又去，最離譜係《香港早晨》！」
校長又憶述當年與好友張國榮出席東京音樂節時，因撞衫引發笑話，校長說：「我哋一到埗有個記招，咁我同Leslie（張國榮）一出𨋢，我哋成件粉紅色嘅外套係一模一樣，衫褲又同一Set顏色，我們喺度笑。但當時有記者嘛，我就即刻攬住Leslie話『We are Hong Kong team』。」
見慣大場面的校長，還大談1994年的「大球場細細聲演唱會」風波：「之前有啲外國歌手嚟演出已經引發好多投訴，所以我場演唱會係備受矚目，臨演出前嗰個禮拜不斷有消息話『唔畀唱、唔畀開』。嗰時我每日出街，都係要面對超過300個中外記者（採訪），係國際新聞。」校長續指為了解決噪音問題，當年專門添置了價值近2000萬元的器材，但現場很多樂迷大部分時間基本上聽不到任何音樂，對此他感到抱歉及感恩：「嗰三晚觀眾係坐滿，佢哋完全冇投訴，仲要自得其樂咁喺度買嘢食、買嘢飲，我真係好感動。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
