點新聞
每日點新聞 點解香港事
標籤

炎明熹客串《愛·回家》:榮幸又夢幻

炎明熹客串演出《愛·回家之開心速遞》。(網絡圖片)

《愛·回家之開心速遞》於明日(年初五)劇集大送驚喜,人氣王炎明熹(Gigi)將客串演出,據知Gigi在劇中將演回自己,更會引發連串事件。  

對於首度「登陸」《愛·回家》,Gigi坦言大感興奮,並直認由小學時開始已是捧場客:「我有追看《愛·回家》,時間許可,我會準時8點鐘喺電視面前觀看,佢哋嘅內容會令到我睇完之後好開心,佢哋每集又會帶出一啲信息,我覺得好生活化。」Gigi又指,能與劇中角色真正合作,感覺既榮幸又夢幻:「真係不可思議,冇諗過以前甚至依家睇緊嘅劇,會有機會遇到佢哋(劇中角色),雖然有時喺TVB會遇到大家,但唔會真係話傾偈嗰種。」她續指,劇中最尊敬的角色是丹爺,並爭取機會與對方合照:「我知佢做咗好耐,好開心可以加入呢個大家庭,因為我見到佢哋好似屋企人咁相處,佢哋會互相叫對方阿爸、家姐或者阿妹,然後佢哋亦都好照顧我。」

Gigi指,劇中最尊敬的角色是丹爺。(網絡圖片)

此外,Gigi還大讚劇中道具相當逼真:「我一直以為新威龍廣場係一個真嘅廣場,然後Key個名落去,後來我知道原來係一個廠景,係特登搭出嚟,我覺得好神奇,同埋入面啲產品同店名都好得意。」Gigi更透露希望日後能多點拍劇,因為她覺得拍劇好有趣,並且很喜歡和公司的幕後工作人員相處,認為大家都好像家人一樣。

Gigi又說,拍攝當日遇到兩名相當可愛的小朋友,而且很高興對方提出合照要求,Gigi當時還拿出兩顆朱古力氹小朋友開心。

(點新聞特約記者陳惠芳報道)

相關報道:

萬千星輝2022|收視29.4點 189萬觀眾見證視帝后誕生

夥炎明熹合拍MV 譚詠麟讚Gigi歌藝穩定

喜歡吃飯被表哥改花名 Gigi向祖藍自曝叫阿飯

稿件由上傳 · 文責自負 · 不代表本網立場
評論
相關新聞
相關度
相關度
從新到舊
從舊到新
搜全文 
全文
標題
關鍵字
goTop