無綫台慶劇《下流上車族》昨（17日）晚首播，林敏驄與江美儀「驄儀CP」在劇中擦出不少火花，美儀姐更大讚驄哥是天才。
美儀姐說:「佢呢啲IQ咁高嘅人係好難捉摸，雖然佢成日爆肚，但佢唔係亂嚟嘅，同埋佢其實係喺度觀察緊你係咪一個認真做嘢嘅人。」美儀姐續指驄哥雖然有時會扭計要人陪玩，但他工作時非常認真，每次開工都好準時。講到兩個「女兒」郭柏妍及羅毓儀，美儀大讚說：「佢哋一定會彈出，兩個都好聰明，進步得好快。」
昨晚美儀姐經典黑絲重現，曾被網友封為「黑絲儀」的美儀姐笑說:「我都唔知點解劇組咁鍾意要我着黑絲，我話：『吓，仲嚟？』佢哋話啲人好掛住我對黑絲！」問到平時如何保養美腿？美儀姐大方分享道：「我係唔會着短褲同埋短裙，因為我好驚畀蚊咬，所以就算30幾度去行山，我都係會着長褲。」
車家三母女嬉水場口同樣吸睛，郭柏妍受訪時笑言：「一知道要拍呢場戲，即刻唔敢再食澱粉，肉都食少咗，以蔬菜為主。今集係一件頭泳衣，之後仲有一個場口係兩件頭，所以真係Keep得好緊要。」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
