無綫台慶劇《下流上車族》於今晚（17日）首播，郭柏妍（Rosita）及羅毓儀（Yuki）在劇中飾演林敏驄（驄哥）及江美儀的女兒，她們異口同聲說私下同兩位前輩相處也很像一家人。
劇中Rosita經常踩滑板送外賣賺錢，為了配合角色，Rosita事前更專程上堂學踩滑板。她又說與驄哥、美儀姐及「鮑姐」鮑起静私下相處也很像一家人，「有次我失咗聲好擔心影響進度，佢哋好好係咁安慰我，驄哥畀咗啲潤喉膏讓我食，美儀姐就推介咗啲中藥，食完之後真係好番冇事。」
Yuki亦大讚驄哥和美儀姐照顧後輩，其中一場喊戲，Yuki更靠着美儀姐的「愛心雞翼」引爆淚水。她說：「美儀姐煮嘢食好叻，有次開廠佢整咗滷水雞翼畀我哋食，為咗喊得出我就食咗4隻，因為喊戲要用好多Energy，全部人食完之後即刻喊到一Take收貨！」
童星出身的林穎彤（Bella）透露，9歲時第一次拍劇正是與鮑姐及美儀姐合作，並話相隔20年再合作感到很親切，「好細個已經認識鮑姐，好似見番一個好熟悉嘅長輩咁。美儀姐就同我一樣都係食素，佢成日會分享素食畀我，覺得好溫暖。」
（點新聞特約記者陳惠芳報道）
相關閱讀：
收藏
取消收藏
分享
稿件由上傳 · 文責自負 · 不代表本網立場
