無綫台慶劇《下流上車族》緊接《夢華錄》推出，該劇是「鬼才」林敏驄（阿驄）首部處男劇集，他聯同演其太太江美儀與兩位女兒郭柏妍、羅毓儀演盡港人上車悲歌，還有金像獎影后鮑起靜坐鎮。
阿驄在預告片一改平時無厘正經本色，語重心長地道出港人上車悲歌：「人與人之間最遠嘅距離係咩？就係你睇到嘅靚樓，你買唔到、住唔起呀！」片中更出現阿驄爆喊鏡場面。至於第二條宣傳片，阿驄開首一句「落錯車14年，我無時無刻都諗住買番間屋」相信已說中不少港人的心酸事。
阿驄為了「處男劇」再親自出馬為劇集主題曲《一家人》作曲填詞，更邀請了《聲夢傳奇》第一季畢業生文凱婷（Aeren）合唱。Aeren對着驄哥緊張到不停搣手指。阿驄則笑指自己差些未完成首歌：「到咗最後嗰日，我又有番少少靈感作到頭嗰幾句，咁咪作埋佢啦。呢個貫徹到我創作風格，就係你畀一年我，我都係最後嗰一日先做。」阿驄又大讚Aeren冇得頂，完全符合他想要的感覺，並表示要搵埋Aeren一起拍劇。Aeren則指今次與前輩合作令她獲益良多：「以前都係一班人錄，今次感覺好唔同。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
