余香凝（Jennifer）近日以電影《心裏美》主演的身份，出席首爾舉行的《光影浪潮 香港電影新動力》活動，期間更與韓國觀眾近距離交流，讓當地人更了解香港的電影文化。
Jennifer表示：「好開心可以帶《心裏美》呢部電影去俾首爾嘅觀眾認識，現場反應好好，其中長達1小時嘅問答環節，除咗呢部電影外，仲講到香港唔同電影文化，同埋我本人嘅事。大家都對香港電影好有興趣，好開心韓國嘅觀眾好關心香港電影同埋好鍾意香港電影。」
這次韓國之旅，Jennifer到埗後即發生小插曲，裝有出席活動靚衫的行李箱在機場「失蹤」，她因與其他旅客「撞喼」而被拿錯，Jennifer笑言以前從未發生過，直言當時「唔知點算」，她笑說︰「有一個同我一樣喼喺行李帶度轉咗好多次都冇俾人拎，我諗呢個喼嘅主人應該攞錯咗我個喼，仲要當時係凌晨機，我工作的衫在那個喼，唔知點算啦，幸好機場職員好幫手，好快手就搵到嗰個人，係佢踏出機場之前就幫我截咗佢。」
除了工作，Jennifer亦抽空到不同地方打卡影靚相及食韓燒，提到去壁畫村打卡，她笑言如置身於韓劇中，她坦言想進軍韓國市場，她說︰「當然想啦，不過要進修一下韓文，以前都有學過少少好基本嘅韓文，雖然唔多，但係老師都有讚發音都好準。但湊女唔知幾時先得閒。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
