郭偉亮（Eric）、方力申主持 《鋪鋪Poker》今晚（10日）播出最新一集，有余香凝（Jennifer）、余潔滢（Zoe）兩姊妹擔任嘉賓。兩人不單樣貌相似，就連聲音也是，就連她們自己也試過「傻傻分不清楚」。
Zoe笑言：「試過聽Voice Message，我喺度諗有講過呢句嘢咩？後尾發現原來係佢（Jennifer）講嘅。」Jennifer則笑謂曾於看IG時將妹妹的照片認錯是自己。比妹妹早入行的Jennifer又自爆曾反對Zoe加入娛樂圈，更因此吵架了一晚，她說：「我嗰刻係變咗佢阿媽，覺得佢唔知呢行係點，但佢會諗：『我都未試，做咩畀咁多質疑我？』」Zoe接著說：「我係覺得你（Jennifer）都試咗咁耐啦，點解唔畀我試吓呢？」
已升呢媽媽的Jennifer笑言曾抱住囡囡賭錢，並笑言：「抱住佢玩魚蝦蟹，運氣都OK喎！」小方問到Jennifer生完BB後，老公家庭地位有否「降呢」？Jennifer大曬幸福說：「依家仲係蜜月期，好似未拍夠拖咁，有時趁BB瞓咗會兩個人玩Poker。」Jennifer透露生完小朋友後，心態上有很大改變：「終於明阿爸阿媽點解話身體健康唔係為咗自己，依家身體健康係為咗BB，所有嘢都係以BB為先，好似冇咗自己咁，真係要Ready冇咗自己先好生。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
