王祖藍主持《有個閨密叫祖藍》,最後一集終極嘉賓是祖藍太太李亞男(Leanne)。華姐出身的Leanne,平時予人感覺高貴大方,但當面對祖藍卻變成另一個人,不但表情動作多多兼不介意在鏡頭前展現粗魯及樣衰一面,又多番扮惡「凶」祖藍;不過祖藍不但不驚,還經常乘機捉弄嬌妻,尤其當Leanne「走音」時,祖藍更是笑到趴地,Leanne多番要忍笑「扮嬲」兼「反白眼」,場面爆趣。
Leanne還首度展現了不為人知的「驚人絕技」,就是以聲演恐龍,閉起雙眼細聽會真的以為「恐龍降臨」。祖藍事後解釋指相關絕技由他親自教授,主要是平時用來氹兩個囡囡開心。祖藍大讚Leanne是願意無條件付出的好媽媽,但又指Leanne缺點是「太過華姐」:「佢喺屋企入面都好華姐架,佢唔會發嬲啦,你其實基本上見唔到佢唔笑架,佢唔明你講咩又好,佢嬲你又好,佢都係保持住華姐笑容。同埋佢永遠唔會太興奮,佢甚至乎喺屋企啱啱沖完涼,包住咗個頭,同我講嘢都會有華姐feel。」Leanne則投訴祖藍「惡意」放屁:「佢成日喺個被竇入面放屁,佢明明可以講句唔好意思、然後出一出去架嘛……重點係我仲喺(被)入面,你要焗死自己,OK!It's alright, but you know...」
(點新聞特約記者陳惠芳報道)
更多閱讀:
收藏
取消收藏
稿件由上傳 · 文責自負 · 不代表本網立場