王祖藍主持《有個閨密叫祖藍》，昨晚(11日)第七集嘉賓是陳松伶（松松）。祖藍在松松追問下驚曝已為愛妻李亞男立定遺囑，房產收租都由太太繼承，保障她日後生活都有收入。
祖藍說，偶爾會將收入全數上繳李亞男，更驚曝已立定遺囑。祖藍說：「基本上我類似整晒遺囑，房產收租都會去晒佢嗰度，我係預咗萬一自己唔喺度，佢都一路有收入。」對於祖藍愛妻如此松松大表欣賞，並指張鐸也是責任心很重的男人：「你哋都會先為對方去諗，好驚自己有一日照顧唔到對方會點。」
常遭老公取笑「金魚記憶」的松松，透露由於不擅計數及理財，故財政等事歸張鐸管理，張鐸亦為二人做好理財計劃，令松松好有安全感。松松又謂張鐸是緊張大師，與她外出吃飯的友人，不少都收過他的奪命追魂Call，「我同佢相處似係多咗個爸爸咁。」
松松又指張鐸可靠之餘亦很可恨，她說:「就是唔沖涼就瞓覺，而且又是『嗌交王』。我發覺我可以成為好好嘅律師，我同張生一齊後，佢提升咗我嗌交技能！」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
