【點新聞報道】無綫新劇《奔跑吧！勇敢的女人們》（《奔跑吧！》），劇中吳若希（Jinny）「唐老鴨」上身再創扮聲經典。
之前憑《香港人在北京》的搞笑演出贏盡焦點、變聲上《東張》吸獲不少好評的吳若希，又大曬搞笑功力，除徹底拋下女藝人包袱狂做醜怪樣兼「唐老鴨」上身玩變聲，更不惜戴上娘爆金色假髮、身穿超老土懷舊造型大跳「殭屍style大媽舞」。
Jinny坦言為了這個短短場口，在古裝街拍了足足4小時：「呢個應該係吳若希出道以嚟最樣衰嘅造型，為咗拍呢隻舞在古裝街拍足4個鐘。」談到海旁唐老鴨上身扮雞、兼且扮枯樹扮到反晒白眼一幕，Jinny透露最大心理障礙是拍攝時大風又寒冷：「呢場戲我主要負責即場諗啲唔make sense嘅動作出嚟，拍嘅時候都好笑嘅，但因為當時好凍，所以都好想快啲拍完。」
另Jinny在劇中與飾演經理人禾平的朱敏瀚（朱仔）有不少對手戲。翻查資料，Jinny與朱仔是同年同月同日生。Jinny坦言與朱仔的性格及價值觀均很相似，但其實二人亦有很大的差異：「佢喺出面雖然冇乜嘢講，但對住好熟嘅朋友會係咁講嘢，但我就係喺出面好多嘢講，反而對住自己好close嘅朋友，就唔係咁多嘢講。」
（點新聞特約記者陳惠芳報道）
相關報道：
收藏
取消收藏
分享
