【點新聞報道】無綫台慶劇《香港人在北京》今晚（3日）播映大結局。陳展鵬和吳若希（Jinny）在陰差陽錯下被黑幫「追殺」，其間展鵬更葉問上身，兩人最終逃命至床下底，更患難見真情在床下底深情咀嘴，破鏡重圓。
講到床下底咀嘴場口，連以超性感睡衣上陣拍劇都唔驚的Jinny竟然嗌尷尬：「點解好地地我哋要喺床底Kiss？大家就要留意劇情！拍呢場Kiss戲其實有輕微嘅尷尬，因為喺床下底大家嘅氣息好近，我又冇太多親熱戲經驗，成日都擔心kiss緊時呼唔呼吸好，好驚我呼吸時對方吸咗我呼出嚟嘅氣，咁樣好似唔係幾好，因為二氧化碳嚟㗎嘛！」
展鵬則笑言冇乜尷尬：「今次我嘅演繹方式係唔想咁演戲，想貼地同真實啲。拍呢場戲其實好舒服，當你回想番同另一半嘅回憶，再親熱番嘅時候，係有一種喜悅同緊張嘅感覺。」
（點新聞特約記者陳惠芳報道）
收藏
取消收藏
分享
