【點新聞報道】葉泓聲（Gordon）與懷孕7個多月的陳樂榣（Ally）今日（16日）由律師主持婚姻簽字註冊儀式，在家人們及好友見證下，成為正式夫妻。之所以選擇今日註冊，兩人笑言: 「因為呢一日大家得閒，兼且係吉日呀」。
當Gordon宣讀誓詞時，感動到有點哽咽，他說：「今次我們安排以家人為主，最初諗住心情有點輕鬆，原來誓詞係好感動，我諗明年大宴親朋有更多人一齊見證我哋，相信更加感動」。陳樂榣笑言：「我就覺得係老夫老妻，Gordon比較鐘意儀式感，我只係好肚餓想食嘢」。問到Gordon近年工作不斷又順利，是否覺得Ally旺夫？Ally搶答：「我唔敢自己講，不過你（Gordon）讚我就一定接受」。Gordon則說: 「可能係我旺妻哩！因為你都開新舖，生意興隆喎！最緊要都係大家都順利」！
明年1月中預產期的Ally表示與Gordon商量應該明年下半年擺酒，Gordon補充說: 「老婆好怕熱，會黑面架！所以等天氣涼一點才擺酒，已經計劃明年年尾去滑雪再去馬爾代夫度蜜月，因為太太呢兩年一直都陀BB，要享受番二人世界呀，不過我唔捨得兩個女，都係一家人去旅行」！
問到兩人有何夫妻之道？Gordon笑言：「盡量唔好激嬲老婆，大家相處要包容，好彩老婆都易氹」。Ally認為大家最緊要坦白說出感受，不要有隔夜仇。
今日到賀大部分是雙方家人，還有袁偉豪與太太張寶兒及BB，還有楊梓菁及蘇麗珊等，和他們一起分享這份幸福。
（點新聞特約記者陳惠芳報道）
相關報道：
收藏
取消收藏
分享
