【點新聞報道】由阮兆祥、李思捷、王祖藍主持的扮嘢真人show《福祿壽訓練學院》，昨晚（3月31日）首播共有24名入圍者出場，經過一輪「單憑綽號盲選學員入組」過程後，最終三位導師分別獲得（或「被逼獲得」）不同組員。三位導師又需要從自己組別裏選出一位Top Student，最終獲得隊中Top Student美譽的分別是「臨時郭富城」彭建豪、「Lowbud大熱」趙亮昭，以及搞喊全場的「大坑小G」葉泓聲。
2014年以「天堂鳥」三人男子組合形式出道的葉泓聲（Gordon），原來自2021年3月組合解散後一直鮮有機會重返舞台。Gordon向來視台灣跳唱代表羅志祥（小豬）為其中一個奮鬥目標，故選擇模仿小豬跳舞及做出小豬招牌「電臀」動作打響頭炮。表演完畢後，Gordon追加的感人勵志Bite，更令全場失陷淚崩，Gordon感性的說：「呢幾年天堂鳥暫停咗之後，就冇好多機會。頭先嘅片頭都係我心聲，娛樂圈係好殘酷，真係一被否定就可能冇人會記得你，可能觀眾都唔認得我係天堂鳥，我希望可以藉住呢個表演機會，去話畀大家聽我真係好鍾意舞台，好鍾意表演、好鍾意跳舞，扮嘢都得架。」
思捷聞言大表感動：「呢啲就係真正嘅藝人，多謝你！」並祥師兄哽咽說：「我好感動，我諗……大家都知道點解我哋做咗咁多年都仲咁鍾意喺舞台上，因為我哋好希望帶到娛樂同歡樂畀觀眾，有呢啲堅持，我好恩惠我哋後面仲有好多新嘅力量喺度。」
談到顏值代表，就是代號為「選美冠軍」的2017年國際小姐澳門代表麥嘉欣（Sofia）。扮演「火雞姐」的Sofia，額頭上的超級刀疤及假哨牙已為她贏得焦點，加上一身古早味連身裙打扮，並向三位導師連環做出單眼及派心心表情，喜感爆燈。當三位導師得悉眼前的「醜角」真身是澳門小姐時，無不感到驚訝，祖藍笑言：「如果你真係選美冠軍嘅話，你係算冇乜包袱嘅。」
（點新聞特約記者陳惠芳報道）
相關報道：
收藏
取消收藏
分享
