【點新聞報道】郭晉安早前宣布與歐倩怡（Cindy）離婚，震驚全城。近日Cindy離婚後首度亮相節目，開腔大談感情狀態，又言不抗拒緣份再來。
Cindy說：「冇所謂，有啲七老八十先遇到真愛喺埋一齊啦，我諗依家呢個世代，緣份擋唔住，要走又挽留唔到，人生就係離離合合，生老病死」。她更自爆正玩交友App：「女人真係唔好讀太多書，真係有啲男士係會驚你，講個秘密畀大家知，最近開始玩交友App，Profile寫自己咩咩咩，勁得濟係嚇親人，所以盡量簡單啲！不過原來鍾意運動嘅女人，係原來多啲人like。」
Cindy表示，只是實驗性質，並非一心想拍拖：「16歲開始入娛樂圈，我個世界都係娛樂圈入面嘅人，近呢一年喺中醫診所打工，開始接觸呢個社會，但其實好多人際關係、社交手腕等，以前都係靠曬經理人，呢方面我係好渣。所以我想睇嚇呢個世界，唔同行業嘅人做緊乜。」她又言有相約網友見面，笑稱App中靚仔多數有出入。
Cindy又提到4年前曾大病一場險死，她指在2019年12月患重感冒，一直發燒睇了3次醫生也未退燒，全身更有觸電感覺兼呼吸困難，隨後更出現失禁情況，甚至驚現人生走馬燈：「我攞住個痰罐，最後我只飲咗少少（片糖水），我想話你知，嗰刻我已去到失禁，我已經控制唔到，搞到張床周圍都係。去到失禁一刻，我已經知自己唔得，然後好似做戲咁，開始出現人生回帶，我覺得唔得㗎，我啲仔女太細，會諗仲有啲咩未做，跟住我暈咗，成個頭塞咗入痰罐。」在緊急關頭向枕邊人求救？歐倩怡說：「咪玩啦！瞓覺。」及後她入院留醫，得知患肺炎、肝炎、腸炎、尿道炎等，食藥長達半年才康復。
今次歐倩怡上節目，竟引來大批網民圍插，直指她離婚後將私事公開有所不當：「睇完就知點解離婚」、「出少句聲啦」、「啲仔女仲要返學見人」、「私隱何必要公開」。
（點新聞特約記者陳惠芳報道）
相關報道：
收藏
取消收藏
分享
