離婚後首露面　郭晉安否認為避分身家轉讓股權：一早傾好晒

【點新聞報道】郭晉安與歐倩怡月初在社交網驚爆離婚，更揭露早在兩年前分居，如今正式結束18年婚姻。郭晉安出席無綫新劇《金式森林》開鏡禮，是他離婚後首度露面。他強調二人是和平分手，亦否認公司股權變動是避免與前妻分身家。

該劇亦是安仔繼《回歸》時隔兩年後再拍劇。問到是否因要處理離婚之事？他說：「呢啲係我哋兩個人之間嘅事，都知道大家好關心，係因為兩方都需要有自己嘅進程。（和平分開？）和平㗎，大家傾好晒，大家知道對方嘅嘢、Cindy都明白、仔女都明白。（仔女有冇唔開心？）冇，依家我同小朋友都一齊住，大家相處好開心，嚟緊8月我會陪大仔去英國讀書開學。（離婚影響工作心情？）冇嘢，因為都已經係兩年前嘅事，都過咗去兩年，大家生活得好好，各自有有自己生活。（離婚牽涉第三者？）唔會，人哋猜測嘅嘢唔好理咁多，呢啲係我哋私人事。」

近日，有指郭晉安代言的保健品公司申請上市，從申請文件顯示，郭晉安除了是代言人，更是創辦人之一，2000年與胞姐郭致因創立該公司，而他在2022年3月23日，將該公司旗下的兩間子公司的股份全部轉讓予姐姐，正好與歐倩怡分居的時間線吻合，外界不禁猜測他是避開離婚後和前妻分身家。他表示：「呢啲嘢我同Cindy已經溝通好，大家都知道咩事，所以唔需要去揣測。（贍養費有否爭拗？）我哋兩個知道，其實有咩都係我哋兩個去溝通，大家唔使擔心，不如大家擔心我咁耐冇拍劇會唔會緊張，因戲裏面我有3個好大個嘅仔。」

郭晉安在戲中的女兒由莊子璇飾演，他笑言好似感到自己的女兒也大得很快，又感謝一班「仔女」見面便已經叫他Daddy。

（點新聞特約記者陳惠芳報道）

相關報道：

郭晉安歐倩怡驚爆離婚：已分居兩年