【點新聞報道】堪輿學家麥玲玲主持《玲玲友情報》，今晚（27日）一集主題為「從今開始該好好戀愛」，嘉賓為方力申。
有「飛魚王子」之稱方力申（小方），外表俊俏的被認定為︰花心、多女朋友代表。玲玲師傅一開始即為好友平反，力證小方是乖仔一名，她說：「因為你靚仔、識運動、單身無結過3、5、7次婚，人哋會覺得你有問題。」她形容小方男歡女愛模式仍停留在古代：「同佢講嗰個（女仔）幾好，你約佢出嚟食飯啦。佢都會拒絕，話驚人誤會。」小方直言目前為止，跟異性單獨約會食飯次數，不多過5次。小方解釋自少練習游水，細個拍拖不敢太張揚，他說︰「驚畀啲家長話你咁細個拍拖，之後就由游水即刻跳入行，又要保護形象，一拍嗰個又拍咗咁多年，根本都無時間約會其他女仔。同埋如果我唔夠鍾意一個人，係唔會開始，分手好煩、好辛苦。」
小方直言本身不是浪漫型男士，與家族遺傳有關，從少到大都沒有見過父母手拖手出街，更枉論有親暱舉動，他說：「所以你從來無見過我放閃、唔會影到張相我喺街拖住女朋友呀。」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
