【點新聞報道】《逆天奇案2》昨（5日）晚一集單元「龍頭棍風暴」落幕，劇中林景程與翟威廉的打鬥戲雖然只有約1分半鐘，但兩人不但要奪命狂奔，還要瘋狂埋身肉搏，認真唔簡單。
方力申（Alex）在劇中演天才生物學教授唐冠峰，更認為愛情根本不存在：「大腦分泌出愛情感覺，大概會喺一年半到三年之後，呢種感覺就會消失，但係呢段時間足夠畀人類完成兩性結合同生育，愛情只係基因繁殖機制。」
Alex的角色理性大於感性，事事都以科學理論來解釋，甚至於覺得「愛情」都是假的，Alex將角色的「直男特質」演繹到位。Alex受訪時透露靠幻想代入角色：「角色細細個就被老竇帶去荒島做科研，童年淨係得讀書同做研究，我嘗試用屋企嘅情況套番落角色，如果我老竇淨係同我講運動，搬去一個地方淨係練水，日日都係咁練，我都會感受到呢個痛苦，用呢個感受代入番個角色。」
講到劇中要面對大量專業術語對白，Alex透露獲視后檔林夏薇傳授秘笈：「薇薇教我可以錄抵再翻聽，呢個方法啱晒我，因為每日都要揸成個幾鐘頭車，呢個方法好處係去到邊都可以聽，好似聽廣播劇咁。」劇中Alex直男指數爆晒標，問到他現實中的愛情觀時，他笑言：「感情方面唔係好識講。我覺得人大咗就會體會到，你覺得自己做得好時，可能人哋會覺得唔好，最緊要係對方覺得你係稱職嘅伴侶先係最緊要。」劇中Alex不時會大顯廚藝，問到現實中有否和女友玩煮飯仔？他笑謂：「大家都好忙冇乜時間煮嘢食，同埋對食嘢嘅要求都好易滿足，煮熟就得。」
（點新聞特約記陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
