DSE｜網上稱「皮已收」疑打卡試卷條碼？網民踢爆「查無此場」

【點新聞報道】中學文憑試（DSE）昨日（12日）開考英文科閱讀卷，網上一早出現一則帖文附上疑似DSE試卷電腦條碼（Barcode）相，並打上重重黑碼。不過網民「醒目」，不僅高亮揭示其考試編號、電腦條碼、考場編號及座位編號等，仲踢爆所謂試場根本子虛烏有，試卷亦相當「不專業」有串錯字。有網民質疑發文者「玩膠」，嘲笑「樓主好波」。

有Threads用戶昨日上午在社交平台發布帖文，表示已完成「英文閱讀」，聲稱「皮已收」意指考試不理想，「聽人講B2好難，好彩做左B1」，又言「有3就夠入大學，同埋有冇跪友張barcode都係好易搣爛」。帖文上載一張疑似DSE試卷Barcode相，考試編號塗黑打碼。

不過大多網民唔收貨，有人眼利發現Barcode相中的「ENGLISH LANGUAGE」被串錯成「LANGAUAGE」，質疑相片真實性。又有「技術流」網民將相片調高至最亮，可清晰見到考試編號、電腦條碼、考場編號及座位編號等，而在考評局網站更無法查詢到所謂試場「B1012」。

有網民直呼「救命」，指上年就有多人發布類似帖文「玩膠」，今次樓主又被多人揭穿fake。亦有網民表示已將帖文留底，並向考評局舉報。

相關報道：

DSE｜今起停用「監考易」　考生續用「報到易」

小紅書驚現DSE考卷？考評局：無洩露證據