【點新聞報道】無綫新劇《妳不是她》是演員丁子朗（丁丁）及馮盈盈升呢男一及女一之作。昨晚（26日）劇情講述馮盈盈突然性情大變，也是她的曬冷夜。
馮盈盈除了有格調十足的「唯美MV式特寫鏡頭」，還有出浴畫面及打鬥戲。雖然劇中「打鬥戲」並非動作戲水平，但為了讓觀眾看得過癮，馮盈盈仍是做足功課：「因為我個角色好打得，我有參考到小丑女Margot Robbie，睇嚇點樣打起上嚟型啲又靚啲。」另網民對於馮盈盈的懶音問題大有改善、以及劇中紅髮造型亦不吝正評。
馮盈盈說初出道時因懶音受盡批評，她於2019年開始找來言語治療師糾正懶音，之後於2021年參與《好聲好戲》挑戰自己，結果贏盡正評。雖然如此，馮盈盈依然繼續努力追求進步，她並透露汪明荃是她主要學習對象：「我好想學佢點樣字正腔圓得嚟又好自然，主要睇嚇佢平時主持節目、訪問講嘢時語氣同發音咬字咁，我亦都親身睇過佢做粵劇，順便學埋佢點樣用氣。」
對於被讚皮膚質素好及身形纖瘦，正值修讀食品產業管理市場營銷碩士的馮盈盈笑言有學以致用：「我依家更加注重咗飲食同營養，會食得比較小心同清淡啲，同埋少咗食加工肉類，盡量食天然食材，排毒方面真係好咗。」
（點新聞特約記者陳惠芳報道）
相關報道：
收藏
取消收藏
分享
