【點新聞報道】無綫劇集《妳不是她》於聖誕夜（12月25日）起、逢周一至五晚播映，演員包括丁子朗（丁丁）、馮盈盈（Fyy）、黃庭鋒、馬貫東、郭柏妍等，更是盈盈及丁丁首度升呢女一男一之作，郭柏妍也首度突破清純的演出。
丁丁與盈盈演同居情侶，在早前播出的劇集宣傳片中，盈盈與丁丁有不少鏡頭均如連體嬰般痴纏黐。二人受訪時坦言這是拍劇以來與拍檔最多親密接觸一次，盈盈說：「係入行以嚟最大挑戰，監製April有事先講明有親熱戲，係想透過我哋嘅互動同交流帶出情侶嘅感覺，令觀眾感受到愛情嘅力量同火花。」丁丁更說：「呢套真係好多錫錫戲，因為係純愛情劇，會好深入咁講愛情，咁難免會描述到情侶間嘅親密行為，就好似一對情侶每日都會有親密行為咁。事前April怕我哋尷尬，拍攝親密戲前會預留多啲時間綵排，希望出嚟效果會好以及我哋拍得舒服啲同少啲壓力，好多謝監製佢哋。」
至於郭柏妍以超熱褲造型、與林景程在床上親密攬攬之餘，更與盈盈挑機，最終在床上大打出手。談到與盈盈之戰，柏妍坦言是拍劇突破之一：「我同盈盈決戰咗一個晚上，我拍咁耐劇第一次咁樣同女仔打鬥。」
第二大突破是飾演綠茶婊，郭柏妍更指自己是一口答應：「我估唔到監製會搵我做呢個角色，佢同我以往角色非常唔同，我覺得係幾好嘅嘗試，所以一口答應咗。」談到劇中某些場口要向人破口大罵，她坦言有難度，皆因平時很少與人吵架，更笑言拍劇期間為投入角色辛苦了親弟：「我會有事冇事都搵啲嘢同佢鬧吓交，所以都要趁呢個機會同佢講聲對唔住，但我覺得嗰排我同細佬感情反而突飛猛進。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
