【點新聞報道】歌唱真人騷《中年好聲音2》，周日（26日）播出一集是第五部曲《廿四強導師分組賽！致敬傳奇巨星！》，評審團除了肥媽、伍仲衡、張佳添和周國豐外，還有關心妍（Jade）暫替陳慧嫻。
分組賽由24強選手分成三組作賽，韋綺姍、彭家麗及谷婭溦擔任星級導師。她們「揀蟀」爭搶三大熱門劉可、顏米羔和安雅希，率先搶到劉可的彭家麗說：「愈靜嘅人，裏面愈多嘢畀人發掘。」谷婭溦則揀了顏米羔：「我嚟呢度就係想要冠軍！」韋綺姍則選了安雅希：「你跟住我一定係冠軍。」
本次分成上、下半場對決，最終將有三人出局。上半場的「致敬傳奇巨星」系列是「上海歌后」、「梅艷芳」和「羅文」。劉可唱《明日天涯》時挑戰歌劇式唱腔，大晒強勁震音，就如莫華倫上身一般。張佳添笑言：「你呢隻係Phantom of the Roman（羅文英文名）。」肥媽亦大讚好正：「可能會有人覺得佢嘅唱法、震音係古老咗啲，但佢將呢首歌嘅澎湃唱到出嚟。」伍仲衡則持相反意見：「你係咪好想跳出你嘅comfort zone？如果你係開演唱會，我會非常Appreciate，但呢個係一個比賽，我係覺得好嘈，唔好意思。」
是集女將的演出十分搶眼，林若盈和王玥齊齊以粉藍色露肩裝上陣獻唱《親密愛人》，兩人聲線和造型非常合襯，婉婉笑言她們如Twins一樣。張佳添大讚：「你哋兩個好靚聲，Blend埋一齊，耳仔就嚟懷孕，好悅耳。」肥媽點名讚王玥：「你進步好大。」至於獻唱《波斯貓》的陳蒨葶，粉藍色隱形眼鏡配白色毛毛外套上陣，化身妖爆波斯貓，獻唱時不斷搔首弄姿，又扮貓咪叫和舔手，非常入戲，肥媽說：「佢真係入咗舞台，當自己係隻貓！」周國豐則說：「蒨葶應該係今季最好睇嘅參賽者。」
（點新聞特約記者陳惠芳報道）
相關報道：
收藏
分享
稿件由上傳 · 文責自負 · 不代表本網立場
