【點新聞報道】歌唱真人騷《中年好聲音2》，周日（5日）晚播出的一集是第四部曲《廿六強勁歌金曲淘汰賽》。本回合26強選手將輪流獻唱曾於《勁歌金曲》獲獎的經典金曲，每位評審最高可以給20分，總分為100分。本回合將設立危險區，26強選手獻唱完畢後，留在危險區的兩位最低分選手將被淘汰。
今集共有13位選手出賽，更雲集不少唱得之人，單是「5燈選手」便有7人，分別是顏米羔、劉威煌、鄭梓浩、譚輝智、古淖文、劉可和陳俞霏，當中劉可和陳俞霏更是兩度獲得5燈的「10燈魔人」。被批哭腔過重的劉可獻唱Beyond《光輝歲月》，今次他嘗試搣甩哭腔，評審伍仲衡說：「感覺到你特登搣甩啲嘢，但好似變到唔識唱歌咁，一少咗就唔係你！」李蕙敏(Amanda)這集代替陳慧嫻任評審，更直指劉可揀錯歌。
上回合團戰獲點名大讚的王玥今集跳出舒適圈大晒女人味，扭身扭勢獻唱王菲的《情誡》，肥媽大讚：「一出嚟成個葉玉卿咁，抵畀多啲分。」至於獻唱李克勤《飛花》的林若盈，因為家中貓咪入院，導致表現失準。肥媽說：「咁樣唔得㗎，冇可憐分！」之後再以自身經歷勉勵若盈，肥媽哽咽話：「講件真事你聽，我媽喺2002年死，我簽咗合約要去唱歌，我朝頭早送佢上山，晏晝去新加坡唱歌，冇人覺得我係喊嘅，因為The Show Must Go On，我係唔可以畀人知道我媽死咗，我幫人倒數係要表現得開心，呢個係專業。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
