【點新聞報道】《中年好聲音2》周日晚（29日）播出《三十強團戰！力爭全員出線！》，30強將分成6組進行比賽，這次由郭偉亮（Eric Kwok）擔任星級導師。今集將會淘汰4位選手，本回合開始增設MVP獎項，頒予該回合表現最出色選手，同時獲得價值8800港元禮物。
6組選手以回合獻唱歌曲為隊名，分組名單如下：「那些年」「Memory」「越唱越強」「路黑山高錫人夜」「我要」，及由梁浩賢和顏米羔齊齊擔任隊長的「如果我是陳奕迅」隊，隊員有劉威煌、譚輝智和朱博文。
單睇牌面實力最強一隊非「如果我是陳奕迅」隊莫屬，因所有選手均曾獲得5燈佳績，堪稱「5燈戰隊」。全男班組成的「如果我是陳奕迅」隊十分團結，隊長之一的顏米羔笑言：「全男班，卜卜脆夠直接！」以潮爆軍裝風上陣的5位型男將挑戰機械舞，惟譚輝智唱得但唔太跳得，動作和表情都比較生硬，Eric笑言：「我叫佢條眉（表情）要狠啲，但個樣出嚟好似睇唔到嘢咁！」
而由全女班組成的「Memory」隊，雖然有實力唱將安雅希加持，但由於還未正式比賽已爆發矛盾，令五名成員陷入重大危機。在首次團練時，Eric便問大家服不服隊長安雅希，安雅希當時略顯不太自信說：「都OK嘅。」怎料話口未完，甚有主見的曾蜜詩即不時提出意見瘋狂challenge安雅希，就連去到最後綵排時兩人仍然爭拗不休，氣氛緊張。Eric亦直指「Memory」隊勢危：「6隊之中最大危機係佢哋，曾蜜詩好有自己意見，想要乜就要乜，反而佢似隊長多啲。」曾蜜詩受訪時坦言：「隊長係有啲laid back（不着急）！我哋都有好多idea，咪一齊討論睇吓邊個idea嘅end result最好。」至於安雅希則大嗌投降：「我覺得團戰其實唔可以有太多自己personality，坦白講我唔係好想做隊長，我fire我自己！」
另邊廂「路黑山高錫人夜」隊同樣爆發矛盾，隊長陳燕娜和隊員麥素華出現意見分歧，燕娜坦言：「幾位阿姐都係好有主見嘅人，尤其係素華。」Eric亦直指該組感覺「唔係特別和諧」。
（點新聞特約記者陳惠芳報道）
相關報道：
收藏
取消收藏
分享
