點新聞 ｜ 每日點新聞 點解香港事

【點新聞報道】TVB熱播劇《一舞傾城》昨晚（6日）一集，劇情講述陳法蓉與出獄的唐文龍夫妻團聚。原來是二人首次合作，陳法蓉更讚對方是個特別的演員。

法蓉姐說：「同文龍合作得好愉快，佢係一個好特別嘅演員，好多嘢佢都有自己嘅諗法，大家有商有量，同埋佢有句口頭禪，就係『傳說中嘅陳法蓉』，佢話佢好多朋友都好喜歡我，好羨慕佢可以同我合作演夫妻！」

文龍則大讚法蓉姐是女神，他說：「記得第一日開工時，我喺化妝間化緊妝，佢喺後面經過時好Cute咁話：『老公點呀？我哋第一次合作喎。』佢好Nice咁主動破咗冰先，令到我哋更容易互動去演啲甜蜜戲份。」提到與法蓉姐有不少親熱戲份，文龍坦言：「都有啲壓力架，始終佢都係女神，但我哋都好合拍，同埋法蓉都好快投入角色，大家可以好放心咁去發揮。」

TVB官方日前發放《一舞傾城》NG花絮片，其中一幕陳星妤的戲服勾住了姚子羚的衫，瞬間變成了連體嬰的二人忍不住爆笑，同場的楊明則很有風度地幫二人解圍。另一場蔡潔與法蓉姐在露台拍攝傾偈場口，其間有一隻「飛天小強」突襲伏在蔡潔的衫上，法蓉姐即時嚇到尖叫，蔡潔則處變不驚，並用手輕輕彈走「飛天小強」，果然是「女中豪傑」。

（點新聞特約記者陳惠芳報道）

相關報道：

一舞傾城｜驚吊威吔高空落地　陳星妤露腿裝冷靜

遭批《一舞傾情》教壞細路　王晶反擊李婉華「TVB屎戲之王」

一舞傾城｜楊明與蔡潔激情戲　唔使向女友莊思明備案