點新聞 | 每日點新聞 點解香港事

每日點新聞 點解香港事
下載APP
標籤

(多圖+有片)李克勤邀華仔合唱震撼紅館 軒仔捧場台下唱跳

一連七場「弦續李克勤·港樂演唱會」昨晚在紅館舉行最後一場。

【點新聞報道】一連七場「弦續李克勤·港樂演唱會」昨(20日)晚在紅館舉行最後一場,克勤請來好友劉德華擔任嘉賓,兩人合唱《如果有一天》及《我恨我痴心》,引爆紅館。

「奇難雜症」

克勤每晚會選唱一首其他歌手作品演繹。昨晚他就表示,「今晚我揀的歌,呢個人點形容佢?我問過佢,你情願人讚你靚仔,定係讚你唱歌好,演戲好,佢話靚仔!我但凡有咩奇難雜症,我都會去搵呢個人,遇上困難佢係我明燈,以前每一次我做演唱會,佢一定來睇採排,以下呢首歌,送比劉德華先生:《如果有一天》。」克勤唱了幾句後,舞台把劉德華升上來,現場觀眾驚喜萬分,歡呼聲震烈紅館。兩人歌畢,華仔說,「其實我一直都好驚。」克勤:「嚇?你驚?你都會驚?」華仔笑道,「驚呀,上一次我都係唱呢首歌(《如果有一天》)我吊係上空兜左一個圈,就要同大家講下次再見啦。所以今日再唱呢隻歌,對我來講係好有意義,但又好驚,個心驚㗎。」然後叫全場觀眾企起身,再跟克勤合唱《我恨我痴心》,把氣氛帶到最高點。

李克勤請來好友劉德華擔任嘉賓。
李克勤尾場騷邀請華仔做嘉賓。
華仔現身。
李克勤與華仔合唱。

狂收利是

克勤在尾場由頭開始收禮物,收花,收利是。克勤又獻唱半首《傻女》,令捧場的原唱者陳慧嫻被觀眾不停以電話集郵。當全場大合唱《紅日》畢後,克勤又大讚:「呢邊唱得咁勁,唔怪得啦,原來張敬軒係到!哈哈。」軒仔不單《紅日》跟着克勤唱,很多首歌也站立又揮手又跳舞,看得十分投入,令台上的克勤不時做回心心手勢多謝。

軒仔不單《紅日》跟着克勤唱,很多首歌也站立又揮手又跳舞。

覺幸運

來到最後一首歌《告別校園時》,全場大叫安歌,克勤連續安歌了3首歌。克勤感動道:「我覺得我好幸運,我只係一個好喜歡唱歌嘅人,唱歌可以成為我職業,由1987年第一隻唱片,到依家好一段時間,大家同我一齊成長,時間過得飛快,昨日炎明熹來做嘉賓,佢18歲,我個仔都15歲啦,我仲同佢唱情歌,我都唔知點投入,哈哈......時間過得好快,尤其疫情,每個人都學會好珍惜身邊每一樣嘢,今日你哋仲帶咁多燈牌,其實無論有冇燈牌,我都好珍惜大家對我嘅愛護,冇人會知道下次演唱會係幾時,工作係無止境,追求都無止境,但知足應該會有....」然後為大家獻上「一生不變」,全場跟着他一起大合唱,場面感人。

完場後,大部分歌迷一直不肯離去,喊安歌喊了近十五分鐘,克勤再一次上台,笑道:「真係咁痴纏?」然後再唱了《誰願分手》及《沒有你嬴了世界又如何》才真正完結演唱會。

台上的克勤不時做回心心手勢多謝。

忍住眼淚

演唱會後,克勤接受訪問說:「可能耐冇做演唱會啦,真係好痴纏佢地,今晚都算非常完滿結束啦,我估我可能係香港開埠以來,係紅館收得最多利是歌手,哈哈。」反應這麼好,會不會再開Part 2?克勤說:「暫時無計劃,但呢個騷會係世界各地不同地方做,九月或者去澳門再做,歡迎大家去開旅行一齊去世界各地睇。」問到他唱《一生不變》時是不是差點感動到想喊?克勤表示,「的確係好感動,但男人老狗老真係盡量唔想喊啦,唔鐘意自己喊,唱『別了那一天不知再相見』真係要忍住......」昨晚不少歌迷舉大燈牌,又有寫禁止李克勤退休,他笑道,「大家唔駛擔心住,我家庭負擔重,唔會退休住啦。」

李克勤為粉絲簽名。

(點新聞特約記者陳惠芳報道)

相關報道:

李克勤開騷邀炎明熹現身合唱︰點解高咗咁多?

收藏收藏
取消收藏取消收藏
稿件由上傳 · 文責自負 · 不代表本網立場

(多圖+有片)李克勤邀華仔合唱震撼紅館 軒仔捧場台下唱跳

收藏收藏
取消收藏取消收藏
稿件由上傳 · 文責自負 · 不代表本網立場
相關推薦