【點新聞報道】《一舞傾城》昨晚（17日）播出第三集，劇情講述蔡潔飾為救捲入洗黑錢案的男友何浩文，身為「金魚」的她為求大狀打官司，不惜主動獻身。
蔡潔於這場戲將角色的不情願、委屈演繹到位，令觀眾都戥她傷心。蔡潔受訪時笑言這場戲不難演，她說：「作為演員，無論咩角色同場口，最重要係serve番劇本嘅要求，符合番劇情嘅需要。呢場戲我當時主要都係將心入面嘅真實想法演繹番出嚟，做番自己心情就OK。」蔡潔坦言事前做足保護措施，並大讚前輩李道瑜好Gentleman。
飾演「超班警花臥底」姚子羚於昨晚登場，子羚一出場就一個打四個，大曬真功夫。其實子羚之前在《鐵拳英雄》已經打到飛起，打戲對她來說絕對得心應手，對此子羚受訪時說：「之前打戲嘅經驗對我好有幫助，喺做某啲動作時會比較易上手，上次《鐵拳》就比較多功夫同用武器，今次《一舞》就用現代啲嘅打法，同埋會有揸槍嘅戲份。」
問到會否朝打女目標進發，子羚坦言：「其實拍打戲都幾辛苦，同埋預備功夫要做到足，日後有機會都想挑戰唔同嘅動作場面。」今晚一集將有一場子羚狠踢李嘉下體的場口，子羚受訪時笑言：「本身同佢都Friend，都知佢係練武之人，佢話識得一種功夫，係可以將佢下面嘅嘢收埋，佢同我講可以放心去踢。」
（點新聞特約記者陳惠芳報道）
更多報道：
收藏
取消收藏
分享
稿件由上傳 · 文責自負 · 不代表本網立場
