【點新聞報道】由王晶監製的《一舞傾城》昨晚（15日）播出第一集，劇中主要角色陸續登場，包括演沙律的「高貴皇牌大班」陳法蓉、演「當家第一頭牌」Monica的蔡潔，而文凱玲則演「爛賭過氣女神」Money。
昨晚一集劇情講到萬國城夜總會成立8周年，Monica獲多位大客捧場，古惑仔麻鷹為見Monica一面，捉了一班舞小姐虐待。身為江湖大嫂的沙律沒有妥協，更出口術「大走」麻鷹，霸氣十足。法蓉姐受訪時笑言：「演呢場戲時，我好擔心自己夠唔夠霸氣，有冇江湖大嫂嗰種感覺，拍完之後問李嘉驚唔驚我，佢話好驚呀，原來我都有霸氣喺度，但我自己唔知。」提到不少網友大讚她身材fit到漏，她笑謂：「好多朋友都知道，我係一個淨係食同瞓嘅人，基本上係冇做任何Keep Fit嘅運動，好感謝我爸爸媽媽遺傳咗咁好嘅身材畀我。」至於保養方面，她大方分享：「用護膚品方面都幾錫自己，有新嘅護膚品推出，我都會買嚟試嚇，同埋我都鍾意養生，會浸嚇Spa同Keep住做Facial。」
昨晚另一焦點，是麻鷹欲對Monica霸王硬上弓的場口，講到這場口，蔡潔透露：「拍呢場戲時我冇整親，反而阿嘉畀張枱嘅玻璃整親，記得拍咗第一take時佢係血流不止，大家都唔知點算好，呢個時候男人就會發揮好man嘅魅力，佢完全係唔care個傷口，最後好順利地拍曬。」
講到為今次角色的事前準備，蔡潔續指，90年代美的標準與現今社會大相徑庭，事前她參考了大美人鍾楚紅的作品，她說：「嗰時鍾意濃妝艷抹，着裝比較誇張，我自己好少咁樣打扮，事前都擔心自己做唔做得到，搵咗好多當時美人嘅形象參考，其中一位就係鍾楚紅小姐，佢都演過類似角色，有搵一啲佢嘅作品參考，佢真係太靚喇。其實當你化晒妝、整晒頭換埋戲服，一行入個景就會自然代入咗個角色，好享受拍攝過程。」
（點新聞特約記者陳惠芳報道）
收藏
取消收藏
分享
